Saturday, March 24, 2007

IT Voice:小明的故事

原來葉旭輝(Lento)咁幽默嘅!

小明攪階級鬥爭

小明不滿零用錢只及哥哥大明的一半,和一言堂母親談判。小明要求爺爺嫲嫲公公婆婆爸爸媽哥哥一人一票評評理。

媽媽怒吼: “你和哥哥都是我生的,今天你是弟弟明天你可能變哥哥。你要一人一票,係唔係想攪階級鬥爭? 係唔係想攪家庭分化?”

震英姑姐教導小明

“小明,我聽你媽講你要一人一票評評你的零用錢。拿,你聽我講。我知你同學仔小強屋企好民主,一人一票決定佢嘅零用。拿,民主係好嘅,但我哋家情同佢地有啲唔同。我哋屋企有爺爺嫲嫲公公婆婆爸爸媽媽哥哥,小強屋企只有爺爺嫲嫲公公婆婆爸爸媽媽。小強冇哥哥!! 仲有,小強屋企向東,我哋屋企向西!! 你話我哋屋企係咪同小強屋企好大分別呢? 所以呢,我哋唔可以照抄小強的一人一票。你明白冇?

明師奶打牌

英姑姐:“強師奶你唔啱啦,你搵個新手嚟鄧腳都唔事先通知聲我吔明師奶? ”

明師奶:“係啦,我話晒打牌四十年,唔係人人都有資格同我打嘅。如果為佐鄧夠腳乜人都搵,咁下次你咪揾個廢柴嚟同我打都得? 拿,我唔係話你今次個朋友呀。”

明師奶:“仲有,我知佢牌章唔夠我熟,但我都尊重佢,放下身段同佢打!! 但佢全不知機,我讓佐佢領放八圈佢仲笑笑口!! 好在我連入好章最後反勝。 呀,佢最後輸錢都仲笑笑口喎! 抵得佢吖 …”

英姑姐:“係啦,好彩我地明師奶牌品好咋,唔係點會同佢打夠十六圈!!

0 Comments:

Post a Comment

<< Home

-->